مشاهدة نسخة كاملة : استفسار عن قصيده
سعيد البشري
03-06-2007, 09:42PM
السلام عليكم ورحمة الله وبركاته
بالله ممكن احد يجيبلي القصيده الي مطلعها:
البارحه نومي حلوم وهواجيس
وابعد علي من الثريا الوناسه
ماغير انا والهوى والثالث ابليس
وكلن يدورله على الاخر رياسه
ولو تفضلتوا اذا ممكن احد يكمل لي الابيات او منهو شاعرها
شاكرا لكم ومقدر لجهودكم
اخوكم
سعيد البشري
فارس الطريسي
23-06-2007, 05:32AM
هلا اخوي سعيد .........
القصيدة للشاعر / عبداللة بن باتع الرشيدي وهو من اهل حائل ويلقبونه بالبحر الميت
صـــاحب قـــلم
19-07-2007, 08:21AM
تصحيح
القصيدة للشاعر / عبدالله باتل الرشيدي
واللي سماه البحر الميت الأمير خالد الفصيل ، والسبب لأنه شاعر متمكن ولكنه خامل الذكر أو لم يأخذ حقه في الشهرة.
وهذه القصيدة من روائعة وله قصيدة أخرى مشهورة
يقول فيها :
بعض العرب ما ينعطى وجه بالحيل = واللي عطيته وجه صار الك عله
وله شريط سبق أن مر علي وسمعته بس ما أدري موجود بالتسجيلات والا لا
وعلى فكرة عبدالله باتل يستحق الإشادة تتميز ابياته بالقوة والمتانة والحكمة
abdooo
03-08-2007, 10:08PM
واللة انة شاعر ومتمكن ولكن علية من اسمة شي
الاستـــــاذ
03-08-2007, 10:44PM
تصحيح
القصيدة للشاعر / عبدالله باتل الرشيدي
واللي سماه البحر الميت الأمير خالد الفصيل ، والسبب لأنه شاعر متمكن ولكنه خامل الذكر أو لم يأخذ حقه في الشهرة.
وهذه القصيدة من روائعة وله قصيدة أخرى مشهورة
يقول فيها :
بعض العرب ما ينعطى وجه بالحيل = واللي عطيته وجه صار الك عله
وله شريط سبق أن مر علي وسمعته بس ما أدري موجود بالتسجيلات والا لا
وعلى فكرة عبدالله باتل يستحق الإشادة تتميز ابياته بالقوة والمتانة والحكمة
وله ايضاً:
صحيح خير من الـــعلاج الوقايه
مير المــصيبه لاوقايه ولاعــلاج
لاتنصـحوني كل" ابخص بـــرايـه
وقت النصايح فات واليوم محتاج
مابالنصايح فـود عقب النـهايه
عقب النهايه مابها غير الاحراج
وبعض الوسـايل ماتوصلك غــايه
والصبر يقضي نوب من قل الافراج
ودرب الضلاله غيـر درب الهدايه
ولكل مخلوق" بدنياه منــــهاج
ولا كل رماي يجـيد الرمـــايـه
ولا كل عد نارده مثل هـــــداج
والناس بعض الناس مثل المرايه
يضحك بوجهك وان مشى منك هـراج
يبحث خفاك وعنك ينشر دعـايــه
ويجني عليك بصحبته هم وازعـاج
وانا عسى المعبود يجبر عـزايه
ويشفيك ياجرح" ورى ظامــري لاج
من بعد ماطًًّّّّّّول عناي وشقـايـــه
وتهت ببحر همي وصارعت الامـواج
ويخضر يباس ارضي ويصفي سـمايه
وتنام عينن ما اهتنت بالتمهلاج
وله ايضاً
سريا قلم مالي على الصبر طاقه
صبرٍ تعدى الحد ما عاد ينطاق
اكتب لمثلي قصته واشتياقه
في خطك الواضح على بيض الأرواق
قصة حزين صافي المر ذاقه
ليا ذكر ما صار له خاطره ضاق
باقوا به الأصحاب والوقت باقه
وصار الضحية بين بايق وبواق
يمشي وهو ما حس في كسر ساقه
أمسى على ساقين وأصبح على ساق
وهذي سوات الوقت شين اصطفاقه
والوقت لو يصفي لك أيام دراق
إن شان قطع عنك كل العلاقه
وان زان خلى لك مع الناس عشاق
ومن شان معه الوقت قلوا رفاقه
راحت حياته كلها هم واقلاق
والله خلق خلق تحب اللباقه
كما خلق له خلق ما عندها اخلاق
أحد يعيش بخير واحد بفاقه
واحد يعشق أيام ويام يتعاق
واحد معه حكمة وصبر ورواقه
سبحان منهو للمخاليق خلاق
لكن يا من معك عقل ووثاقه
ابنصحك كانك للأمثال تشتاق
لا تنخدع بأهل العلوم الرقاقه
اللي سوالفهم توهق توهاق
صادق رجال يعرفون الصداقه
يقفون صفك يوم يبسات الارياق
ومن رغب في فرقاك فأرغب فراقه
جاز الذي يجزاك بفراق بفراق
وتعلم التعشيق قبل السواقه
ولا تحسبنك بالدركسون سواق
ورزقك يجيك بدون تحضر بطاقه
وعند الله المعبود تقسيم الأرزاق
يقولها اللي جاير الوقت عاقه
ولا زال في غيبوبه الهم ما فاق
من انعزاقه بنادي بنعزاقه
واللي يوده صار شوفه بالأشفاق
ولا قال هذا القول قصده طفاقه
ما قال هذا غير من نار الأشواق
ومن باب العلم بالشئ هو ابن عم الاعلامي
خلف بن فضي.
حفظكم الله.
أبو عتب
06-08-2007, 11:58PM
الأستــــــــــــاذ
سرياقلم مالي على الصبر طاقه *** صبري تعدى الحد ماعاد ينطاااق
القصيدة للشاعر : بندر بن سرور
المحايد
07-08-2007, 01:21AM
الأختلاف موجود ولكن أين أدلة كل طرف .
أذا على الأستماع فأنا سمعت أنها لعيد بن مربح
وفيها بيت مشهور
............. من ضربني طراقه
الله يقطع نوب تحسين الأخلاق.
أما ياأخوي ابن عتب أنك ذكرت انها لبندر بن سرور فلا أعتقد لأنه لو لاحظت أن لو قارنت هذه القصيدة بقصائد بندر ابن سرور لتبين لك الفرق.
أبو عتب
08-08-2007, 01:35AM
الأختلاف وارد ولكن القصيدة للشاعر بندر بن سرور 100% وقد في وردت في ديوانه
ابن عياش البشري
09-08-2007, 12:23AM
السلام عليكم ورحمة الله وبركاتة
اسعد الله مساكم ياشباب وتحية طيبة لكل شخص بأسمه
اما ماطرحة اخوي سعيد البشري من استفسار بخصوص القصيدة التي مطلعها
البارحه نومي حلوم وهواجيس
وابعد علي من الثريا الوناسه
ماغير انا والهوى والثالث ابليس
وكلن يدورله على الاخر رياسه
فهي من كلمات الشاعر عبدالله باتل الرشيدي وهو غني عن التعريف ولكنه مقل ومظلوم اعلامياً واما بقية القصيدة اخوي سعيد انا احفظ منها عدة ابيات
من ضمن ماقاله
وترى الردي لو فيك سوى نواميس @ ينقد على نفسة ويرجع لساسة
والتيس مثل العنز كان انخصى التيس @ والتيس ماهو تيس لولا التياسة
قنّعت واقنعني كتاب الوساويس @ لكن عقب ماصرت شيك الفلاسة
وسلامتكم
اما القصيدة التي مطلعها سر ياقلم مالي على الصبر طاقة
فهي ايضاً من قصائده
ولكم خااااااااااااااااااااالص اخترامي وتقديري