مطلوب مساعد مدير بشركة .. بالرياض (اخر مشاركة : عسومه الحربي - عددالردود : 1 - عددالزوار : 2 )           »          مطلوب ~ مهندسين ميكانيكا انشاءات (اخر مشاركة : عسومه الحربي - عددالردود : 0 - عددالزوار : 2 )           »          مطلوب مهندس كهربائي مباني .. (اخر مشاركة : عسومه الحربي - عددالردود : 1 - عددالزوار : 4 )           »          مطلوب مدير مشاريع و مهندسين .. (اخر مشاركة : عسومه الحربي - عددالردود : 0 - عددالزوار : 3 )           »          مطلوب للعمل فى مجموعه الغامدى ( جده - الدمام ) (اخر مشاركة : عسومه الحربي - عددالردود : 1 - عددالزوار : 5 )           »          حرب الطناخه.. (اخر مشاركة : عسومه الحربي - عددالردود : 4 - عددالزوار : 24 )           »          ياناشدن عني.. (اخر مشاركة : عسومه الحربي - عددالردود : 2 - عددالزوار : 11 )           »          حسنها يخجل الضي.. (اخر مشاركة : اصايل حرب - عددالردود : 1 - عددالزوار : 9 )           »          وقف لحظه أمامك ~ حــــربيه (اخر مشاركة : عسومه الحربي - عددالردود : 2 - عددالزوار : 14 )           »          فديت طاري الحروب (اخر مشاركة : عسومه الحربي - عددالردود : 0 - عددالزوار : 8 )           »         





الإهداءات
عسومه الحربي : ألف شكر لمن أختارني العضو المميز بالمنتدى.. شاكرة لكم هالثقه وهالتقدير ويارب اكون عند حسن ظنكم بي دووم..أخجلتوني بذوووقكم لاخلا ولاعدم...~     عسومه الحربي : أخوي طلال الحازمي~ شاكرة لك هالترحيب وهالتقدير ولي الشرف إني أكون معكم بهالمنتدى الراقي فيكم ويوجودكم.. ويارب اكون عند حسن ظن الجميع ..تحياتي لك     عسومه الحربي : أخوي مزعم آلكمي.. اللهم آمين..و هلا بك أكثرررر مشكور على الترحيب و المنتدى منوور بوجودكم وبأهله ويارب اكون عند حسن الظن دوم ..     مزعم آلكمي : ::: (( عسومه الحربي اهلا بك في مجالس حرب منوره الله ينور قلبك بالايمان )) :::     عسومه الحربي : اللهم اجعلني شكوراً ، واجعلني صبوراً ، واجعلني في عيني صغيراً وفي أعين الناس كبيراً...صباح الخير على الجميع أدري نايمين وكذا إصحوا يالله بسكم نوووم     عسومه الحربي : اللَّهمّ اجْعَلْنِي خَيْرًا مِمَّا يَظُنُّونَ، وَاغْفِرْ لِي مَا لا يَعْلَمُونَ، وَلا تُؤَاخِذْنِي بِمَا يَقُولُونَ..     اصايل حرب : اللهُم اجعلنا من أهل النفوس الطاهرة . والقُلوب الشاكرة والوجوة المُستبشرة الباسمة . وارزقنا طيب المقام وحُسن الختام . صـــِبُأِحّ أَلـْورّد@>-- اللهم صلِ وسلم وبارك على نبينا محمد ……    

إضافة رد
 
LinkBack أدوات الموضوع
قديم 01-10-2004, 07:10PM   #1
العضوية الفضية
 
الصورة الرمزية محمد الجميلي
 
تاريخ التسجيل: 04 2002
الدولة: Kuwait
المشاركات: 3,726
سبيل والسديري

أنا : محمد الجميلي






مسيتم بالخير
هذي قصيدة سبيل بن سند بمحمد السديري
وادري هل القصيده سببت مشاكل وفي ناس مع انزالها وفي ناس ضدها
بس القصيده راحت زمان
وفيه ناس واجد يبون يعرفونها وماعاد منها ضرر
مثل اي قصيدة قيلت باي شخص
فحبيت انزلها واقفل الموضوع نهائيا مع شرح لبعض الشخصيات المذكوره والاضافات من عندكم

وادري خطوه جريئه ويمكن تنحسب علي بس بعد التفكير وبعد سنتين ونص من المشاركه بالمجالس وبعد ماعرفت انه القصيده منتشره اكثر من انتشار المجالس نفسها مااظن فيه داعي لمنعها

==========
سبيل بن سند الحصني المزيني

شاعر حرب ولسانها
ماسكت عن الظلم يوم غيره شافه وضحك
ماحسب حساب سلطه ومشيخه وكبار قدام الاهانه
شاف وقرا كتاب السديري وسبته لحرب فيه
فرد عليه الرد الوافي
ورفع عنه اللوم
فالله يرحمه ويغفر له ذنوبه
قال قصيده ماقالها احد توارثها حرب جيل ورا جيل
=========


[poet font="Simplified Arabic,4,crimson,normal,normal" bkcolor="black" bkimage="" border="double,4,crimson" type=1 line=200% align=center use=ex length=0 char="" num="1,crimson" filter=""]
يأمير يا شين الخطأ منك شيناه= ياخوفتي عقلك هكاليوم غايب
يومٍ مثلك تزعل الناس عوجاه= رجّال عرف ومن حموله وشايب
لاجاهل غي الجهل فيه وأغواه= ولامسردٍ من كل الاطراف خايب
أنته تقول القيل وتجيد معناه= شالك هوى نفسك على غير صايب
لاكان حنّا من تحدى أنتحداه= من دون واجبنا نجيد الصوايب
ياشايبٍ غي الجهل توّ ما جاه= يبى يعيب الناس والعود عايب
يا ضريغط اللي شال همه بدنياه= ياذيب بين معكرشات الذوايب
إن كان عندك للفعايل امجازاه= حربٍ عمامك يوم مسّ الجنايب
غصبٍ عليك وصامل العلم تلقاه= ان طاب لك وإلا على غير طايب
أبوك معطينا الأخاوه بيمناه= لولا الأخاوه راح ماله نهايب
يامن سواليفه توسّخ شفاياه= ذيب العلوم ولا ذكر لك حرايب
طوبى مقرّ اللي ولى الحكم وأرساه= يامآ رسى واليوم حدر النصايب
ورّث حبيب الشعب عقب تولاه= فيصل على كبد العدو سمٍ ذايب
بظلال أخو نوره مشى الذيب والشاه= خلّى الغنم والذيب تمشي صحايب
وخلاّك يالنمرود تمشي بحسناه= وتحط بالشعب السعودي عصايب
والله يالو يدري عن العلم وأقصاه= مالك شفاعة لو تشفّعت تايب
مغترّ فيك الله على الخير يقداه= وش عرّفه لك عند مطلق حلايب
ماشاف نزلٍ لك يدق الخونداه= بمعيله مثل الخزز واللعايب
نزلٍ نشوفه والمخاليق تدهاه= نزل البلاوي كلها والمصايب
عن روس خلق الله وأنا أبراي لله= عن ناس ترعى في طرفكم حبايب
لو فيك خير ووجهك الشين ينكاه= ماتعترض لمكمّلين النوايب
وأولاد وايل عن سوالفك مغناه= ماهم بعوزك يامدوّه زرايب
قطعانهم عشب الخضر غصب ترعاه= ترعاه أباعرهم لو الدم رايب
وحربٍ قواطيعٍ على الخيل وأرماه= عوق الزعيم مورّدة كل هايب
وشريدة الفرسان وشلون تنساه= وشلون تنسى يا طويل الخبايب
اللي على شيل الجماهي مضرّاه= يمناه والفسقان سيف العطايب
و(ابن نحيت) اللي نهار المثاراه= كم كبد حيٍّ شب فيها لهايب
على أبلج خلّى الظواري تعشاه= وبطوع اخو نوره تعشى كتايب
و(ابن جزاء) يوم النضا جاه ينخاه= وشلون تنسى يالعين الصلايب
يومٍ يشيب الراس من حس طرياه= بين الحناكيه وذيك الجذايب
و(فيحان) أخو نوره تحت حد شلفاه= كم فارسٍ خلاّ عظامه حطايب
اللي بجاه يوم زاره هل الجاه= رد الذويبي مال رايح ******ايب
ماخوذ غصب وضمّر الخيل تشعاه= وشلون تنسى ياعجيب العجايب
ونسيت(ابن ناحل) مع الضيف وقراه= هيف السمين اللي بها النيّ سايب
اللي يدسّم شارب الضيف لاجاه= الخيل يعطيها وعطا البل وهايب
ونسيت(منور) ذيب جمعٍ سراياه= مثل الدبا الكتفان ريف القرايب
حرز الذليل اللي يفك المخلاّه= نسيت(اخو حسنا)عطيب الضرايب
و(ذويخ) بالعربان تكثر رزاياه= إليا شان نطق ميلين العصايب
كم هيّةٍ زيزومها جاب حسناه= و(سعود) من بعده يفك النشايب
و(ابن جديع) اللي بهيّه ضحاياه= فرسان قومٍ فوق قبٍ ربايب


يبون وضحٍ بالأباهر محنّاه = افتكها ووّهل جبرهم نكايب
ونسيت (مانع) حوض موت مناياه= ماتأخذ ألا محتمين الدبايب
كم فارس قرّب له أجله وغفّاه= عليه خلاّللحوايم لوايب
من كف (اخو فزه) نواعيه تنعاه= عليه هلات العباير سكايب
و(نويشي) اللي بالخوي كلٍ أوحاه= بثرأ خويه عن عوانيه نايب
قص أربعه وأثنين والسابع أنجاه= انهى الملام وخاطره ماهو طايب
وأبوك يالهرباد من فك بحماه= يوم الرصاص بنوع وبل السحايب
برّم عصب رجليه وإنّا احتميناه= دونه فعلنا معجزاتٍ غرايب
واليوم عندك له محبه وملجاه= غوال ابوك وحايبٍ بك حوايب
والا ما تنسى وطيته فوق علباه= وميقافنا لا دفلجن بك ركايب
جيناه وأرباع المباني مملاه= في كل بيت مكتفينٍ قضايب
واللي نزل عنده ثلاثين جمهاه= بين الذرا والنار ضم الحضايب
من عرض من ربص هكاليوم بدماه= راع النقا والفوز يوم الغصايب
راسه سبق كفه على عرش مطاه= من كف (اخو جوزاء) وابوك السبايب
فعلٍ على وضح النقا مأخترعناه= ماهي سواليف الوجيه القلايب
وأضحى جزاء ميقافنا اللي وقفناه= شبهتنا ضينٍ رثع فيه لايب
ذيبٍ يرد من أول الضين لتلاه= الشكوى لله ياكبير القطايب
والله والله واحدٍ ما أتمهزاه= بالكذب..والله يالقلوب اللبايب
لولا القمر وسهيل والجدي لولاه= لأقول قولٍ ماتعقبه طلايب
مار بذرا العنبر تركت العلنّداه= ياللي تبي بالكذب تأخذ غلايب
يالطايش اللي طيشه كبر مركاه= هلا هلا ياحوش بيض الترايب
هذا جداك وغيب قلبك عرفناه= مار الغلط مرجوع وانس الحزايب
أما تعذّر عن مقالك ومنشاه= عبر الأثير ولانبي لك نجايب
يوم المجلد كل حيٍّ تملاه= تراك مأنت من الأذاعه نعايب
دفترك ما خصيت به يوم نقراه= قاريه انا ومسطراته عرايب
حتى تعذّر لك لناس مسماه = كرّ النظر واحسب جميع الحسايب
كرّ النظر وأضرب على ماتوراه= وعندك طريق العافيه والعقايب
أمّا حفرت البير وأقطن على ماه= وألا تدمه دام ميّه سرايب
مادام كلٍ ماسك ماه بلزاه= والاتعرّضت المحن والصعايب
يمك ملايين المدافع معباه= واقفالها قيادها بالكرايب
والطيش لايحرمك لذ المساواه= اعرف ترى للطيش غيب وغبايب
ألا عندك للخزى ميل مشهاه= معجبك مالك من فعولنٍ رهايب
فالله خلق للداء دواء وأنت من داه= ودواك للجراح فيه الطرايب
ياما لعينك من مغثه وماذاه = ياللي بحركم ياملين الذهايب
به حصةٍ بيضا تلالا مغطاه = غيّم سماها بين خضر رطايب
مأدري ركبها غبار شيول ومسحاه= وألا بها زتم اعداد الجلايب
لاواقفين ولا بالأعيان شفناه= حظي بري لله علينا رقايب
حظي بري ماقالوا الناس قلناه= وبحظ من جاب الخبر لي جايب
ياطير ابن برمان مأدري حلاياه= ياللي تبي فينا تحط النقايب
ماهو هلا يالمنتسب عقب عفناه= حنّا جبرنا ما يحوش القشايب
ولا عندنا لك يامحمد مناجاه= خبلٍ تومي في شنبك الهبايب
تبي تمثل عنتر الخيل جهجاه= تمثيل وألا مسردٍ مأنت ثايب
[/poet]

==========
الشرح
==========
ذكر في اول الابيات سالفة بين حرب وابو محمد السديري احمد
ماادري عنها وسمعت عنها سوالف بس علي قولتهم طراطيش حكي

25-شريدة الفرسان هو الشيخ عبدالمحسن الفرم شيخ بني علي
26-الفسقان سيف الشيخ محسن
27- ابن نحيت شيخ المزنان من حرب واياتهم يقصد مااعلم
29- ابن جزا شيخ الاحامده من حرب واياتهم يقصد علمه عند الاحمدي
30- يقصد معركة الحناكيه بين حرب وعنزه
31-فيحان بن ناهس الذويبي من شيوخ العمور
32- يقصد يوم يفك نياق ابن سياف يوم راح للملك عبدالعزيز والقصه مذكوره بالمنتدي لمحمد البيضاني
34- ابن ناحل هو خلف بن ناحل الاحمدي وهو اكرم حرب وقد قيل لو ماطلع بحرب غيره كفاهم
37- اخو حسنا محسن الفرم
40- ابن جديع شيخ الحنانيه وماادري اي واحد يقصد فيهم
42- مانع بن مريخان الجميلي اشجع حرب
44- اخو فزه نخوة مانع المريخان
45- نويشي القبع المشيعلي وسالفته من ان تعرف
54-اخو جوزا المضيان من حرب ماادري من يقصد فيهم
========

هذا اللي اعرفه اما الباقي مااعرفهم ولاقصورن فيهم

واعذروني

محمد
محمد الجميلي غير متواجد حالياً   رد مع اقتباس
قديم 01-10-2004, 10:04PM   #2
العضوية الفضية
 
الصورة الرمزية سعود الحربي
 
تاريخ التسجيل: 06 2003
المشاركات: 1,179
رد : سبيل والسديري







مشرفنا القدير الحربى

صح اللسانك وصح اللسان شاعرنا سبيل بن سند الحصني المزيني الحربى

صراحه كفيت ووفيت ومهما قلنا ووصفنا ما نقدر نوفيك حقك انت راع الاوله والاوله مايلحق

وما اقول الا الله يكثر من امثالك فى المجلس هذا

والله لايحرمنا منك ولا من مشاركاتك اللى انا اشوفها احلى واجمل مشاركات

ودمتم لنا ولحرب

تحياتى
_____________________________________
سعود الحربي غير متواجد حالياً   رد مع اقتباس
قديم 02-10-2004, 02:37AM   #3
العضوية البرونزية
 
الصورة الرمزية المنصف
 
تاريخ التسجيل: 09 2004
الدولة: ديار حرب
المشاركات: 15
رد : سبيل والسديري







والله انك كفو يالجميلي




انت حطيت النقاط على الحروف وعرفت كيف تنهي المواضيع المشكلة بفن ولباقة


-------------------
ولو ابمدحك يقصر الحكي وانا لم اوفي حقك الكامل

--------------------------------------------------------------------------------------------------------------------

الى الامام يالجميلي

--------------------------------------------------------------------------------------------------------------------



اجمل التحيات
من

المنصف
المنصف غير متواجد حالياً   رد مع اقتباس
قديم 02-10-2004, 03:33AM   #4
العضوية البرونزية
 
الصورة الرمزية النجبـي
 
تاريخ التسجيل: 09 2004
المشاركات: 35
رد : سبيل والسديري







اخوي محمد القصيدة منتشرة في كل المواقع و انا سمعتها بالصوت في احد المواقع و في موقع حرب حتى كتابة القصيدة رافضين غير فالنهاية غيرت رأيك

التعديل الأخير تم بواسطة النجبـي ; 02-10-2004 الساعة 03:43AM
النجبـي غير متواجد حالياً   رد مع اقتباس
قديم 02-10-2004, 05:08AM   #5
العضوية البرونزية
 
الصورة الرمزية فتــ البرزه ــى
 
تاريخ التسجيل: 05 2004
الدولة: حيث أحب ان اكون...
المشاركات: 185
رد : سبيل والسديري









الاخ العزيز القدير al-7rbee

بيض الله وجهك وصح لسانك ولسان قايلها

عز ألله هذا مكانها اللي المفروض تكون فيه ...

ورد الشاعر عبدالله بن سبيل المفروض يطرز بالذهب والالماس ..


بس ياليتك تبحث و تكتب القصه اللي قيلت فيها القصيده ..


ولك فائق أحترامي وتقديري
فتــ البرزه ــى غير متواجد حالياً   رد مع اقتباس
قديم 04-10-2004, 04:03PM   #6
العضوية الفضية
 
الصورة الرمزية طارق الدباغ
 
تاريخ التسجيل: 03 2004
المشاركات: 606
رد : سبيل والسديري







مشكور وماقصرت على هالقصيده وانا اشهد انك ذيب يابناخي
طارق الدباغ غير متواجد حالياً   رد مع اقتباس
قديم 06-10-2004, 04:04PM   #7
العضوية البرونزية
 
الصورة الرمزية شاب(ن) ناره
 
تاريخ التسجيل: 01 2004
الدولة: الظهران
المشاركات: 8
رد : سبيل والسديري







يعطيك مليون عافية اخوي محمد


واخيرا وبعد طول انتظار رضيت وحطيت القصيدة


اصلا المعلقة هاذي نكتبها بذهب ونعلقها على موقع حرب


وتصير المعلقة ال11 في تاريخ الادب العربي


يالربع ادعوا بالرحمة لقايلها

الله يرحمك ياسبيل ويسكنك الجنة (اميـــن)


ويالجميلي لا خلينا منك ودمتم لحرب


التعديل الأخير تم بواسطة شاب(ن) ناره ; 06-10-2004 الساعة 04:10PM
شاب(ن) ناره غير متواجد حالياً   رد مع اقتباس
قديم 06-10-2004, 09:53PM   #8
العضوية البرونزية
 
الصورة الرمزية الحجيلى.
 
تاريخ التسجيل: 09 2004
المشاركات: 39
رد : سبيل والسديري







اخوى الغالى الحربى مشكور لك على هذة المشاركة الرائعة وهذة القصيدة معلقة قبيلة حرب وفخر لكل حربى عزيز ورحم الله بن سبيل واسكنة فسيح جناتة وجزاة الله كل خير وهذا الشاعر رمز من رموزنا وهو فخر لنا على مدى الدهر . وتحياتى لكم ابناء العمومة الكرام وعاشت حرب عزيزة شامخة فى قلب الحجاز بين الحرمين الشرفين اطهر بقاع الله وفى كل الجزيرة العربية وفى كل مكان .
الحجيلى. غير متواجد حالياً   رد مع اقتباس
قديم 15-10-2004, 03:39AM   #9
العضوية الفضية
 
الصورة الرمزية ماجد السمين
 
تاريخ التسجيل: 10 2004
المشاركات: 133
رد : سبيل والسديري







السلام عليكم ورحمة الله وبركاته
ومساكم الله بالف خير
بداية الله يعطيك الف عافية اخوي الجميلي على
هالجهد صراحة جهد جبار لكن حبيت اضيف على ماكتبت
وهو في البيت 36 وهو منور الحصني
والبيت 38 على ماعتقد ولست متأكد انه ذويخ البشري
والبيت 40 ابن جديع هو زبن بن مقبل ابن جديع
ماجد السمين غير متواجد حالياً   رد مع اقتباس
قديم 15-10-2004, 11:25PM   #10
العضوية الفضية
 
الصورة الرمزية سعود الحربي
 
تاريخ التسجيل: 06 2003
المشاركات: 1,179
رد : سبيل والسديري







اللهم انى اسالك فى هذه الليله المباركه

اللهم أغفر له وأرحمة ياعزيز يا مجيب الدعوات

اللهم نقه من الذنوب والخطايا كما ينقى الثوب البيض من الدنس

اللهم تب عليه وعافه وعفو عنه

اللهم اجعل قبره روضه من رياض الجنه ياسميع يامجيب الدعوات

واسكنه فى جناتك جنات الفردوس الاعلى من الجنه

هذا وصلى واسلم على نبينا محمد صلى الله وعليه وسلم

لااله الا انت سبحانك انى كنت من الظالمين
سعود الحربي غير متواجد حالياً   رد مع اقتباس
قديم 07-11-2004, 12:32AM   #11
العضوية الفضية
 
الصورة الرمزية سعود الحربي
 
تاريخ التسجيل: 06 2003
المشاركات: 1,179
رد : سبيل والسديري







اللهم انى اسالك فى هذه الليله المباركه فى العشر الاوخر من رمضان


اللهم أغفر لسبيل بن سند وأرحمة ياعزيز يا مجيب الدعوات

اللهم نقه من الذنوب والخطايا كما ينقى الثوب البيض من الدنس

اللهم تب عليه وعافه وعفو عنه

اللهم اجعل قبره روضه من رياض الجنه ياسميع يامجيب الدعوات

واسكنه فى جناتك جنات الفردوس الاعلى من الجنه

وانزلنه منزلا مباركا وانت خير المنزلين

ربنا وادخلهم جنات عدن التى وعدتهم ومن صلح من ابائهم وازواجهم وذرياتهم انك انت العزيز الحكيم وقهم السيئات ومن تق السيئات يومئذ فقد رحمته وذلك هو الفوز العظيم

ربنا وسعت كل شى رحمه وعلما فاغفر للذين تابوا واتبعو سبيلك وقهم عذاب الجحيم

ربنا اغفر لنا ولاخواننا الذين سبقونا بالايمان ولا تجعل فى قلوبنا غلا للذين امنوا ربنا انك رءوف رحيم

ربنا تقبل منا انك انت السميع العليم وتب علينا انك انت التواب الرحيم

ربنا وتقبل دعااااااااء

ربنا عليك توكلنا واليك انبنا واليك المصير

لااله الا انت سبحانك انى كنت من الظالمين

هذا وصلى واسلم على نبينا ورسولنا محمد صلى الله وعليه وسلم
سعود الحربي غير متواجد حالياً   رد مع اقتباس
قديم 07-11-2004, 02:51AM   #12
العضوية الفضية
 
الصورة الرمزية ذيبان
 
تاريخ التسجيل: 08 2002
الدولة: السعودية
المشاركات: 996
رد : سبيل والسديري







الاخ العزيز القدير al-7rbee



لــولا الـقـمــر وسـهـيــل والـجــدي لـــولاه ==== لأقـــول قـــولٍ مـاتـعــقــبــه طــلايـــب

مشكور على هذه المشاركه الاكثر من رائعه 00 بس تراك مافسرت هذا البيت الرائع ؟؟؟
_____________________________________
ذيبان غير متواجد حالياً   رد مع اقتباس
قديم 07-11-2004, 10:50PM   #13
العضوية الفضية
 
الصورة الرمزية ماجد السمين
 
تاريخ التسجيل: 10 2004
المشاركات: 133
رد : سبيل والسديري







ماهي قصة الأبيات اللي يقول فيها :
والا ماتنسى وطيته فوق علباه
................ وميقافنا لادفلجن بك ركايب
راسه سبق كفه على عرش ماطاه
.............. من كف أخو جوزا وأبوك السبايب
الخ

أنا سمعت قديما أن السدارى دفعوا العاني لحرب على أن يحمونهم
وكأن بيت سبيل بن سند الله يغفرله يدل على ذلك ولو أن معنى الأخاوة هو حق الطريق
يقول:
أبوك معطينا الأخاوة بيمناه
............ لولا الأخاوة راح ماله نهايب

وغير ذلك قرأت قبل 9 سنوات في جريدة الرياض مقال لأحد السدارى
يقول أن السدارى والرواجح(شيوخ البدارين) آلاد العم وأن الرواجح كان بصف السدارى عندما كانوا في حرب لا أذكر المقال جيدا
لاكن ماصحة الكلام وماهي المعركة التي ذكرت في القصيدة "؟

أسئلة كثيرة أرجو أن أجد الأجابة
وشكرا

التعديل الأخير تم بواسطة ماجد السمين ; 07-11-2004 الساعة 10:53PM
ماجد السمين غير متواجد حالياً   رد مع اقتباس
قديم 04-02-2005, 10:03AM   #14
العضوية البرونزية
 
الصورة الرمزية أصيل1
 
تاريخ التسجيل: 02 2005
المشاركات: 2
رد : سبيل والسديري







سلمت يابن أخي
ذيب على خبري
أصيل1 غير متواجد حالياً   رد مع اقتباس
قديم 05-03-2005, 03:29AM   #15
العضوية الفضية
 
الصورة الرمزية عبدالمحسن الشدادي
 
تاريخ التسجيل: 02 2005
المشاركات: 138
رد : سبيل والسديري







الله يغفر لبو سلمان
عبدالمحسن الشدادي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:23PM


Powered by vBulletin V3.8.7. Copyright ©2004 - 2014, Tranz , Design By YsOrI
جميع الحقوق محفوظة لمجالس حرب


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53