. . تغريدة ،، (اخر مشاركة : محمد دغيم الخازن - عددالردود : 8 - عددالزوار : 86 )           »          قص الأثر. أو تتبــع الجره (اخر مشاركة : طلال الحازمي - عددالردود : 1 - عددالزوار : 13 )           »          موسوعه أبجدية بأسماء بعض الدكاترا من قبيلة حرب (اخر مشاركة : حمد الشدادي - عددالردود : 3 - عددالزوار : 261 )           »          اشهر بئر في الجزيرة العربية (اخر مشاركة : اكليل - عددالردود : 1 - عددالزوار : 48 )           »          ماهي اضرار رجيم دوكان؟ (اخر مشاركة : الحنون العنود - عددالردود : 0 - عددالزوار : 11 )           »          وروود على شكل قرده. ... ي سبحان الله (اخر مشاركة : اكليل - عددالردود : 2 - عددالزوار : 39 )           »          قص الأثر. أو تتبــع الجره (اخر مشاركة : اكليل - عددالردود : 0 - عددالزوار : 2 )           »          موسوعه أبجدية بأسماء بعض المهندسين من قبيلة حرب (اخر مشاركة : إدارة المجالس - عددالردود : 1 - عددالزوار : 247 )           »          موسوعه أبجدية بأسماء بعض الراسخون فالعلم من قبيلة حرب (اخر مشاركة : إدارة المجالس - عددالردود : 1 - عددالزوار : 14 )           »          موسوعه أبجدية بأسماء لبعض اعضاء المجالس البلدي من قبيلة حرب (اخر مشاركة : إدارة المجالس - عددالردود : 1 - عددالزوار : 175 )           »         





الإهداءات
مزعم آلكمي : ::: (( السلام عليكم ورحمة الله - مساءكم كله خير ان شاء الله - تقبل الله منا ومنكم صالح الاعمال )) :::     الشاعر نايف الشويب السليمي : مساء الخير والبركات لجميع روَّاد مجالس حرب وأتمنى للجميع التوفيق والنجاح :     اصايل حرب : اللهم انك عفو تحب العفو فأعف عنا     مزعم آلكمي : ::: (( السلام عليكم ... ... مساء الخير ... مساء السرور ... تقبل الله منا ومنكم صالح الاعمال )) :::    

إضافة رد
 
LinkBack أدوات الموضوع
قديم 22-12-2007, 02:33AM   #1
العضوية الفضية
 
الصورة الرمزية فارس الطريسي
 
تاريخ التسجيل: 06 2007
الدولة: القصيم- الرس
المشاركات: 2,560
القهوة في الشعر العربي

أنا : فارس الطريسي






القهوة في الشعر العربي
--------------------------------------------------------------------------------
السلام عليكم ورحمة الله وبركاته
اللهم صل على محمد وعلى آله وصحبه أجمعين...
القهوة العربية كانت علماً على الكرم والرجولة والطيب في تاريخ الآباء والأجداد وقد تغنى بها كثيرا من الشعراء ومدحوا كثيراً من الكرماء الذين عرفوا بالكرم (وقهاويهم ) نسبة إلى القهوة ( مبرهجه) أي مفتوحة طوال الوقت وكانت النار لاتسمد بل كانت مشتعلة طوال الوقت (والدلال) بالوجار على جانب النار ... ومن الذين اشتهروا بهذه الصفات وبمنطقة حائل خاصة نذكر على سبيل المثال من سارت بأخبارهم الركبان وكانت بيوتهم (ملفى للخطار) وعابري السبيل ...من هؤلاء (ابن لحيدان راعي الوسيطاء) ( وابن ربيعان راعي المستجدة) (وعثمان راعي جفيفاء) (والقبالي راعي قصر العشروات) (وابن خوير راعي قفار) (وابن بايح راعي الجثامية) ( وابن عبيكة أهل قناء وجبة) ( وبريك راعي بقعاء) وهناك الكثير من هؤلاء الذين يكرمون الضيف ولكن لعل هؤلاء أشهرههم حسب معرفتي المتواضعة ...وقد كنت مع زميل لي في أحد الموقع (الأ....ي ) قبل حوالي سنة تقريباً قد بحثنا موضوع القهوة وكتبنا بعض القصائد التي قيلت فيها ولذلك أحببت أن أعيد عليكم بعض هذه القصائد والأبيات لعل أحد منكم لديه بعض القصائد والأبيات فيكتبها هنا وتكون لنا مرجعاً حول هذا الموضوع ..
وسأبدأها بقصيدة للأمير الشاعر الكريم ابن خوير:
هو الشاعر الأمير / زيد بن سلامة الخوير ... توفي بحدود عام 1334هـ رحمه الله
يقول الخوير ........
قال الذي يبدع على كل قافي=من ضامرٍ ياتن رْيامٍ مواليف
بمنومسة لقم على بكر صافي=عليه من شغل ابن سكران توليف
خلّه ليا ماتونس النذل غافي=وقرب دلالٍ مثل بطٍّ مهاديف
بدلال ماعنهن سنا النار طافي=بوجار من لادونهن بابهم جيف
مبرهجٍ تسفي عليه السوافي=من خلْقته ماطق في ركزة السيف
واحمس ولقّم بالعجل يالسنافي=بشاميةٍ طرّف لها الجمر تطريف
حماسها قرمٍ من الغوش شافي=دايم يقلبها حريصٍ على الكيف
وزلَّه وصَفَّه عن سريب المصافي=من خوفة أحدٍ قال بالكيف ياحيف
كِنَّه ليا منه غشاها الرّعافي=نثر الذّهب من فوق لوح المشانيف
وبهارها من يمّة الهند لافي=في مركبٍ يقداه زجر العواصيف
وان كان تزمل من طيورٍ هوافي=بيضٍ فسدّ أفواهها باشقر الليف
فنجالها لاشف بين الأشافي=لاكن يجذب من شفا شاربه شيف
يبرالها من مير فِجّ الخوافي=بكايرٍ تِرْمَهْ سهيلٍ ليا شيف
صبه لمن يثني خلاف المقافي=يوم الفرنج يقذِّف الملح تقذيف
ونفَّل بها اللي للمروات وافي=مادوَّر التَّجْرات به والمصاريف
اللي لياغليت شراها جزافي=مارطّله عند الدلاليل بنصيـف
ياسامعٍ مني علومٍ تشافي=خذها من اللي نافلٍ كل عرِّيف
دنياك لو ضحكت تراها بخافي=يبرم دواليب الشِّقا والتكاليف
إنهب منه من قبل مالعمر يافي=صيٌّور ماتقفي ركابك مواجيف
صيُّور عمرك ناهجٍ للذلافي=سمر الليالي تكمله بالتتاليف
صيُّور مايمسي لظى الجمر طافي=دنيا تفرق كل ربعٍ مواليف
وليا حصل عزٍّ مع الكيف كافي=ماني على الدنيا كثير التحاسيف
وهذا محمد بن مديبغ التميمي راع المستجدة رحمه الله
يادلتي لايجزعك واهج النار=ماجبتك إلا باغي تحْتضينه
أبي ليا جونا مشاكيل وخيار=اقلّطك والرزق ربي ضمينه
ياعنك ماغظلم حجاجي عن الجار=ولايوم ماعنا تقازى الظّغينه
وهذي لحمد بن ناحي المطيري .. يقول
يازين شبة نارها العصر ياخليف=لا مالت الفيه وزان البراد
كسرت فنجال على غاية الكيف=لاعج ريحه مثل ريح الزباد
جونا مسايير يبون العجاريف=لى أوحو دنين النجر مثل المنادي
جابوا سوالف طيبين المحاريف=اللي عليهم يقهرون الطراد
وهذه قصيدة .... زيد الخشيم [يرحمه الله] ... ايضاً بالقهوة... وغير القهوة
لاضاق صدري قمت اسوي من الكيـــف=فنجال بن مايغــــبب ســريبــــــه
بكرٍ على بكرٍ عـــذي عن العيــــــــف=يطرى على ان نام خطو الزريبه
وانٍ مصـبـه كــن لــــــونه الى شـيـف=سـلـك الحـرير الى تمهل صبيبه
صــــبــــه الممرور براسـه زعـانـيـف=اللي إلى شبت يصالي لهيبـــــــه
ويثنـــى عن الرّبع المقفين بالســــيـف=لاحـــــل في تال التفافيق ديبـــــه
وفيــنــا محـازمنــا اسـوات الكرانيــف= ومعــنا خطاة املظب لاح شيبـــه
لعـيـــون غـيـدٍ شرّ كت تـنـثـر الليــف =اللي شـــكا وارد قـناهـا عـسيـبـه
بشرقــي قـفـار كنهــا مزنة الصـيـف=شـرقٍ عن البطحا بجازع شعيبه
اللي نمـاهـا لــلـــمـســايير والضـــيف=يوم ان ولــد النذل حارب قريبـه
صرنا لعدلات المناظر كــلاليـــــــــــف=ننجش لهم ملح الشـفا كل عيـبــه
وهذه أبيات من قصيدة لاتحضرني كاملة للشاعر ( الصعيليك ) يمتدح ( ابن لحيدان ) الكريم المشهور بما يستنفد من القهوة يقول :
حرام مايرخص بصنعاء بضاعه=وابن لحيدان على جاهد القاع
مانفدت يمناه من البن ساعه=يطبخ شهر للزوم صكاك الاصباع
ليا من عيلات الاجاويد ضاعه=يفدع لو ان المجيدي على صاع
وهذه القصيده الرائعه .. لمبارك بن عبيكه بن رمال
قم يالمقهوي دن نجر ومحماس=واحمس لنا من حب صنعا نماها
احمس وزين حمسة البن بقياس=دقــه ولقمهـا وعـجل سواهـا
وصبه لممرور على الخيل مدباس=تقفي عنه صم الرمك لانصاها
من فوق ماتاخذ على الخيل مرواس=لاجدعت خبثات الانفس حذاها
واثنه لمن حوله على الزبر جلاس=اهل السموت اللي بعيد مداها
ابن عبيكه هرجته مابها باس=تطرب لها كرام اللحى من حلاها
طول الجدار وقصرة الرجل نوماس=لا صار ما للرجــل داع دعاهــا
تصير بعيون الرفاقه معك باس=لاصار ماتدعى تره من عناها
يصير قالات ويصير لولاس =ونوبن من الادنين ياتي بلاها
قلبك يصير ويضرب القلب عوماس=والنفس تقدح عقب زايد غلاها
خلك على بابك تقل لون حراس=لاجو عليهن محترين عشاها
لاجن مع الخل الشمالي لها اضراس=والكل تشكي رجلها من حفاها
نرحب بهم من قبل تجديع الالباس =ونقلط لهم تمر الحلا من نماها
ونذبح لهم كبش مربى بالاطعاس=ونقلطه من قبل يقرب مساها
هذي سلوم جدودنا قبل من راس=واللي بعدنا كــان ربي هداهـا
الشاعر/ سلطان بن عبدالله الجلعود يرحمه الله ولد بسميراء حوالي عام1320هـ وتوفي بها عام1374ه
الله على الفنجال مع هجعة النــــــــــاس=بدلال نارٍ مايبطل سنــاهـــــــــــــــا
مع حمسة يملا بهــا كل محمـــــــــــاس=ويقلبــه قرم يعـرف استواهــــــــــــا
قم يافرج شبّه تر الكبد والـــــــــــــرأس=العين اشوفه قازيه من خطاهـــــــــا


حط الجروم اللي من العام يبـــــــــــاس=ليـاما يطوح ضوها مع فضاهــــــــا
واحمس على جمـــر ترى ماله اجـناس=وكفـّه ليا منه عرقها غشــاهــــــــــا
واودع بهاره هيل ورهه بالاجـــــراس =ياخالط الفنجال تر هو حلآهـــــــــــا
ودقه بنجر يسمعه كل نعـــــــــــــــاس=ولاتغلق الضبة على من بغاهــــــــــا
وصفـه وصبه تر هو الصفى بقيــــاس=ماهو خطاة الخامل اللي طهاهـــــــا
اللي يحطه باوسط النار مرفــــــــــاس =لما يطير قبوها مع غماهــــــــــــــــا
وهذه قصيده للشاعر / عضيب بن شلاح الحربي ... يذكر فيها مجالس القهوة ويصنف الرجال حسب رؤيته ...يقول
ياما حلا عقب العشا شبة النــــــار=عقب الهجوع لا رقد كل كوبـــــــه
بقفرية ياعبيد يودع له اشعــــــــار=وسواة فنجال يشوق بصبوبـــــــه
حبه على المطلوب من بن وبهــار=يعجبك بالفنجال صبغه وروبـــــــه
كيف يجوز لشارب الكيف والكــــار=لو دوروا به غمزة مــــا لقوبـــــه
في مجلس فيه المشاكيل حضــــار=بغيبة ردي الحظ عنهم بنوبــــــــه
اللي يخزوون المسير بالانظـــــــار=تكاظموا واللي جليس شوشوبــــه
تلافتوا على بعضهم بالانظـــــــــار=وتغامزوا مابينهم وضحكوبــــــــه
الناس فيهم يافتى الجود هــــــــذار=مسترحل لبليس زين ركوبـــــــــــه
عراض غرة مسلم غافل غـــــــــار=يعرضه للناس لو ما حكوبـــــــــــه
دايم لغرات الاجاويد عقـــــــــــــــار=يظهرعيوب ولا درى عن عيوبــــه
وفيهم تبيني لايسرك ولاضـــــــــار=ماغير يحسب للربايع ضروبــــــــه
وفيهم حصيني قبوع قمــــــــــــار=يوصف على ماقيل به طير ذوبــــه
وفيهم بليهي على الكود صبـــــــار=يصبر ولو زادت عليه الصعوبـــــه
لا جا زمان فيه غلين الاسعـــــــــار=غدى لربعه بالمكاييل جلوبــــــــــه
وانا جا نهار الضيق بالموسم الحار=يرخص بعمره مايعد محسوبـــــــه
وهذه هي مجموعة من الأبيات لبعض شعراء بادية الجزيرة العربية الذين حرصوا فيها على ذكر ووصف القهوة العربية المميزة.
يقول الشاعر محمد بن أحمد بن محمد السديري:
صبه ومده يا كريم السبالي=يبعد همومي يوم اشمه بالانفاس
فنجال يغدي ما تصور ببالي=روابع تضرب به أخماس وأسداس
وهذا الشاعر الفارس تركي بن حميد حيث يصف القهوة وصوت النجر بقوله:
يا ما حلا يا عبيد في وقت الاسحار=جر الفراش وشب ضو المناره
معدلة تجذا على صالي النار=ونجر الى حرك تزايد عياره
النجر طق وجاذب كل مرار=مالفه الملفوف من دون جاره
في ربعة ماهيب تحجب عن الجار=لامن ولد اللاش ما شب ناره
وكذلك هناك القصيدة المشهورة للشاعر دغيم الظلماوي في القهوة، وفيها يقول:
يا كليب شب النار يا كليب شبه=عليك شبه والحطب لك يجابي
الوالمه يا كليب عجل بصبه=والرزق عند اللي ينشي السحابي
حنا علينا جيب ماها وحبه=وعليك تقليط الدلال العذابي
ادغث لها يا كليب من جزل خبه=وشبه الى منه هبا كل هابي
باغي إلى شبيتها ثم قبه=تجذب سراة من بعيد غيابي
بنسرية يا كليب صلف مهبه=متلطمين وسوقهم بالعقابي
صبه لقرم صرفته ما حسبّه=يوم البخيل مدنهر الوجه هابي
وعده عن اللي ما يداري المسبه=اللي يدور بالقصي الغيابي
لا جاضع المتروع خطو الجلبه=يا حلو تالي الليل خبط الركابي
اقحص لهم وابدي سلام المحبه=لا شح بالهين كبير العلابي
وكذلك يقول الشاعر سعد بن حمد بن ضويان في القهوة:
ياحسين لاكني على الجمر مجضوع=من فقد خلاني وفقدي ربوعي
قم سو فنجالٍ ترى الراس مصدوع=صفه وزله عن سريب الخموعي
فنجال فيه مخموس الكيف مجموع=بدلال يشدن الخباس الوقوعي
ونجر دلاله ماو بالصوت مفجوع=يا زين حسه والخلايق هجوعي
وانجاك بالمجلس سنافي وبالوع=عده على الطيب وكب البلوعي
وهذا الشاعر عبد الله العلي الحرير يقول في القهوة:
قم سو فنجال ونظف أدلاله=ريحه لراعي الكيف يجلي اعماسه
اشعل ولونه مثل دم الغزاله=لا ذاقه الراقد يحارب انعاسه
في مجلس تدله الى جاء مجاله=اللي عن اللجات يقصر حساسه
والا ترا بعض المجالس عذاله=لا معشر طيب ولا فيه اناسه
ويقول الشاعر غازي بن عون في الغرض ذاته:
يا ريف قلبي للمسايير قم شب=وحط المنارة في طويل الظلالي
عقب تشق لها لجزل الحطب جب=وهات النجر واحضر جداد الدلالي
دنّه وخلّه للمسايير يجذب=لا قام صوته للنشامى يلالي
يوحونه الجيران لا قام يقنب=ويجيك الاقصى والقصير الموالي
ويقول سليمان المحمد الهزاع في قصيدة عن القهوة:
لا في على جمر الغضى سو فنجال=فنجال بن من رخيص وغالي
حيثك قديم مغربل البن غربال=حكيم عند مصاطرات الدلالي
خله على المطلوب يلفت لنا البال=يفتح لنا المعنى بمبدا المقالي
الى انطلق من ثعلب المبهرة مال=يشدي خضاب مخفرات حيالي
ويقول محمد العبد الله القاضي عن القهوة وعن الأواني التي تجهز بها القهوة:
دنيت لي من غالي البن مالاق=بالكف صافيها عن العذق منسوق
احمس ثلاث يا نديمي على ساق=ريحه على جمر الغضى يفضح السوق
واياك والنيه وبالك والاحراق=واصحا تصير بحمسة البن مطفوق
دقه بنجر يسمعه كل مشتاق=راع الهوى يطرب الى دق بخفوق
لقم بدله مولع كنها ساق=مصبوبة مربوبة تقل غرنوق
خله تفوح وراعي الكيف يشتاق=الى طفح له جوهر صح له ذوق
إلى أن قال:
زله على وضحا بها خمسة ارناق=هيل ومسمار بالاسباب مسحوق
مع زعفران والشمطري إلى انساق=والعنبر الغالي على الطاق مطبوق
إلى اجتمع هذا وهذا بتيفاق=صبه كفيت العوق عن كل مخلوق
وهذا راكان بن حثلين يقول في قصيدة مشهورة:
ياما حلا الفنجال مع سيحة البال=في مجلس ما فيه نفس ثقيله
هذا ولد وهذا ولد خال=وهذا رفيق ما لقينا مثيله
وهذا الشاعر هايس بن مجلاد يقول وهو يصف الدلة وصوت النجر:
قم سو ما يصبغ على الصين يا ذياب=بدلال يشدن البطاط المحاديب
احمس الى من العرق فوقها ذاب=واستدن ما يجذب عليك الشراريب
نجر يصيح من الطرب تقل بحجاب=يصبر على طول الدهر للمواجيب
_____________________________________

التعديل الأخير تم بواسطة الفــــــــوازي ; 22-12-2007 الساعة 03:57AM
فارس الطريسي غير متواجد حالياً   رد مع اقتباس
قديم 22-12-2007, 04:00AM   #2
العضوية الفضية
 
الصورة الرمزية الفــــــــوازي
 
تاريخ التسجيل: 09 2003
المشاركات: 1,980
رد : القهوة في الشعر العربي







أخي الغالي / فارس الطريسي

أشكرك على موضوعك هذا

و اسمح لي لقد قمت بتنسيق الابيات

و أتمنى لك التوفيق و النجاح
الفــــــــوازي غير متواجد حالياً   رد مع اقتباس
قديم 22-12-2007, 04:03AM   #3
العضوية الفضية
 
الصورة الرمزية الفــــــــوازي
 
تاريخ التسجيل: 09 2003
المشاركات: 1,980
رد : القهوة في الشعر العربي







أخي الغالي / فارس الطريسي

أشكرك مرة أخرى على حسن الاختيار

و عندي إضافة لموضوعك هذا

وهي قصيدة للشاعر شليل بن عواض الربيقي في القهوة :


يا سعود قم هات الدلال المهانيف=في ليلة ناخذ سهرهـا قطوعـه
إحمس وكيفها ترى طاب لي كيف=واستدن (مزعل) ياشفاتي وصوعه
إلى تهيض بالعـوى والزعانيـف=يشدي عوا ذيب شكا حر جوعـه
يشدي عواذيبٍ بروس المشاريـف=حادية حـادي والهبايـب تلوعـه
حتى يجيب مسيّر البيت والضيـف=مثل العقيد اللي تلافـت جموعـه
مخصصٍ الى صار جماعه مواليف=ماركز الشيطان معهـم بكوعـه
يا زين سجتهم وزين السواليـف=ما دوّروا واحد بالاخـر طموعـه
والى احدث الجهال بعض التخاليف=إستدركوها قبـل تكثـر فزوعـه
تلقى لهم سمعة وهيبه وتصريـف=وكلٍ يجي فعله على قـد نوعـه

و أتمنى لك التوفيق و النجاح
الفــــــــوازي غير متواجد حالياً   رد مع اقتباس
قديم 22-12-2007, 10:28AM   #4
العضوية الذهبية
 
الصورة الرمزية عبدالرحمن البيضاني
 
تاريخ التسجيل: 01 2005
الدولة: ديار حرب
المشاركات: 5,623
رد : القهوة في الشعر العربي








0
.



اخي الفاضل / فارس الطريسي

الف شكر على هذا النقل المميز

وصح لسانك ولسان قائلها



تحياتي


.
عبدالرحمن البيضاني غير متواجد حالياً   رد مع اقتباس
قديم 23-12-2007, 01:24AM   #5
العضوية الفضية
 
الصورة الرمزية فارس الطريسي
 
تاريخ التسجيل: 06 2007
الدولة: القصيم- الرس
المشاركات: 2,560
رد : القهوة في الشعر العربي







اقتباس:
المشاركة الأصلية كتبت بواسطة الفــــــــوازي مشاهدة المشاركة
أخي الغالي / فارس الطريسي

أشكرك على موضوعك هذا

و اسمح لي لقد قمت بتنسيق الابيات

و أتمنى لك التوفيق و النجاح
اخي القدير / الفوازي
شكرا لمرورك العطر
وتامر امر
واللة يعطيك العافيه على الجهد الرائع والجميل ...
دمت بخير
فارس الطريسي غير متواجد حالياً   رد مع اقتباس
قديم 31-12-2007, 03:17AM   #6
العضوية الفضية
 
الصورة الرمزية فارس الطريسي
 
تاريخ التسجيل: 06 2007
الدولة: القصيم- الرس
المشاركات: 2,560
رد : القهوة في الشعر العربي







اقتباس:
المشاركة الأصلية كتبت بواسطة راحل مشاهدة المشاركة

0
.



اخي الفاضل / فارس الطريسي

الف شكر على هذا النقل المميز

وصح لسانك ولسان قائلها



تحياتي


.
هلابك اخي الكريم
وشكرا لمرورك العطر ..
دمت بخير
فارس الطريسي غير متواجد حالياً   رد مع اقتباس
قديم 31-12-2007, 07:02AM   #7
العضوية الفضية
 
الصورة الرمزية أبوعابد
 
تاريخ التسجيل: 04 2007
الدولة: في ربوع القصيم
المشاركات: 4,141
رد : القهوة في الشعر العربي







الاخ :

فارس الطريسي



الله يعطيك العافية على االنقل

مودتي
أبوعابد غير متواجد حالياً   رد مع اقتباس
قديم 31-12-2007, 08:14AM   #8
العضوية الفضية
 
الصورة الرمزية ساهرالشمال
 
تاريخ التسجيل: 03 2007
المشاركات: 3,962
رد : القهوة في الشعر العربي







الاخ العزيز
فارس الطــــريسي
الله يعطيك العافيه
موضوع رائع سلمت يمينك
وبيض الله وجهك
دمت بخير
ساهرالشمال غير متواجد حالياً   رد مع اقتباس
قديم 31-12-2007, 08:50PM   #9
العضوية الفضية
 
الصورة الرمزية فارس الطريسي
 
تاريخ التسجيل: 06 2007
الدولة: القصيم- الرس
المشاركات: 2,560
رد : القهوة في الشعر العربي







اقتباس:
المشاركة الأصلية كتبت بواسطة ساهرالشمال مشاهدة المشاركة
الاخ العزيز
فارس الطــــريسي
الله يعطيك العافيه
موضوع رائع سلمت يمينك
وبيض الله وجهك
دمت بخير
هلابك اخي الكريم
وشكرا لمرورك العطر
واللة يعافيك ...
دمت بخير
فارس الطريسي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:59AM


Powered by vBulletin V3.8.7. Copyright ©2004 - 2014, Tranz , Design By YsOrI
جميع الحقوق محفوظة لمجالس حرب


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53